1. በወጀብ ባውሎ ንፋስ ውስጥ ስንጐሽም ስንገፋ
ደረሰልን የእኛ ጌታ ታዳጊው የእሥራኤል ተስፋን
ሞገዱንም ገሰጸልን ማዕበሉንም ጸጥ አረገው
እልል እንበል እናመስግን ዛሬ የደስታችን ቀን ነው
አዝ:- የምሥጋና ቀን ነው ለእኛ ዛሬ
የአዲስ ቅኔ የዝማሬ
ኑ እናመስግን ጌታ አምላካችንን
ሰርቶልናልና ስራችንን /2x/
2. ከአቅማችን በላይ ከብዶን የሚረዳን ወገን አጥተን
ረዴታችን መጣልን የያዕቆብ አምላክ አሰበን
በአዲስ ቅኔ በዝማሬ በከበሮ እናስተጋባ
ሥራችንን ሠርቶልናል ምሥጋናችንን እናግባ
አዝ:- የምሥጋና ቀን ነው ለእኛ ዛሬ
የአዲስ ቅኔ የዝማሬ
ኑ እናመስግን ጌታ አምላካችንን
ሰርቶልናልና ስራችንን /2x/
3. ቁጣው ነዶ በላያችን የተመኘው ለሞታችን
በቆፈረው ጉድጓድ ገባ አመጸኛው ጠላታችን
ስለዚህ እንውጣ ዛሬ በእልልታ እየዘመርን
እስትንፋስ ያላችሁ ሁሉ እግዚአብሔርን እናመስግን
አዝ:- የምሥጋና ቀን ነው ለእኛ ዛሬ
የአዲስ ቅኔ የዝማሬ
ኑ እናመስግን ጌታ አምላካችንን
ሰርቶልናልና ስራችንን /2x/
