ሁሉን ፍሬ ልትበላ
ትችላለህ ከእዚህ ሌላ
በለስን ግን ከበላህ
በዚያች ቀን ትሞታለህ
ሁሉ ሞልቶ እያለልህ
ጐምጅተህ ቃሌን ተላልፈህ
በሐጥያት ፀጋ የራቀህ
ተሸሸግ ፈራህ ተደበቅ
አዳም ብዬ ብጠራህ
በስፍራው አልተገኘህም
ወርደህ በክብርህ ቦታ
ወዴት ገደል ገባህ
ልጄ የት ነው ያለኸው
ልጄ የምታቀላፋው
በል ንቃ ከሞት ተነስ
ያበራልሃል ኢየሱስ
እንዲያው እየተመላለስክ
ያልኖርክበትን ስትሰብክ
ለሰዎች መስለህ የቆምክ
አንተ ግን ነህ የተራቆትክ
ቃሉን ማንበብ ትተህ
መፀለይም አቋርጠህ
በሐጥያት እየረከስክ
መቅደሴን ታፈርሳለህ
የራስህ ጉድፍ ሳታይ
የሰው ጉድፍ ስታይ
ምንነው መከታተልህ
ልጄ ይቅር ትቢትህ
ልጄ እራስህን መርምር
ውደቅ ከመስቀሉ ስር
ነቅተህ ጌታህን ጠብቅ
የጦር መሳሪያህን ታጠቅ
ክብሬን ሁሉ ተመልክተህ
ፍቅሬን አይተህ የቀመስህ
ማንነቴን የተረዳህ
ሕይወትህን ለኔ የሰጠህ
ታዛዥም ልጄ የነበርክ
ስልክህ የምትላክ
እንደልብም የሆንክ
አለምን ሁሉ የተውክ
ዛሬ ነገር ሲሳካልህ
እቅድህ ሲሞላልህ
በአለም እየባከንህ
እኔን ታሳዝናለህ
ልጄ ሆይ ተነስ ንቃ
ማንቀላፋቱ ይብቃ
መምጫዬ የዘገየው
አንተ እስክትመለስ ነው
ልጄ የምታቀላፋ
መቅረዝህም የጠፋ
በል ንቃ አሁን ተነስ
ያበራልሃል ኢየሱስ
