እግዚአብሔር እንዲህ አለ ሰይጣንን ሲረግመው
ባንተና በሴቷ ጠብን አደርጋለሁ
ከሷ የሚወለደው የመጥፊያህ ምክንያት ነው
ራስህን ሊቀጠቅጥ ሥልጣን እሰጠዋለሁ
ሴትን እንዳሳትክ ከሴት እመጣለሁ
የጌታ ቃል ይላል ትውልድ ሁሉ ያከብራታል
ታዛዥ ስለሆነች ፈርሃ አምላክ ያላት
የመልአኩን ቃል ሰምታ የተቀበለች
ያለመጠራጠር ፍቃድህ ይሁን አለች
የኢየሱስ እናት እኛ ምናከብራት
እግዚአብሔር አባት መርጦ ስላገኛት
የልጁ ማደሪያ ታቦት ስላደረጋት
ፀጋን የተሞላሽ ንፅሕት በለአላት
አንዳንዶች ቢሏትም በአፈ ታሪክ ያለች
መዳን እንድናገኝ ምንም ያላረገች
እኛ ግን ብለናል እግዚያብሔር ሲመርጣት
በደህንነት ሚስጥር ታላቅ ስፍራ ሰጣት
ከሷ ስጋ ሆኖ ያ ቃል አከበራት
ይችህን እናት ነው እኛ የምናከብራት
አፈ ታሪክ ሳይሆን የጌታ ምርጫ ናት
የቃሉ ማደሪያ እንድትሆን ሲመርጣት
ከሴቶች መካከል የተባረክሽ አላት
ስጋውና ደሙን ኢየሱስ የሰጠው
ከማርያም ያገኘው ያካሏ ክፋይ ነው
ዘጠኝ ወር በሆዷ ይዛው የኖረችውን
ደምና ስጋዋን ሰጥታ የወለደችውን
እንዴት አናክብራት እንዲህ የታደለችውን
ጨረቃን በእግሯ ስር አድርጋ ያጌጠች
አስራሁለት ክዋክብት በራሷ የደፋች
ልጇ የሚገዛ የሰማይ ሰማያት
ልኡል እግዚአብሔር ሥፍራ ያዘጋጀላት
እንግዲህ እወቋት ማርያም ናት የኛ እናት
