መልካም ስራችን ታይቶ እንዲከበር የሰማይ አባታችን
ብርሃናችን በሰው ፊት ይብራ ይታይ የእውነት ፍቅራችን
ታላቅ ተልእኮ አለን የምድር ጨው ተብለን
ከዳር እስከዳር ሄደን በመልካም ምሳሌ ሆነን
ግን ነፍሳት ሲጠብቁ ወንጌልን ሲናፍቁ
ቀድሞ የኛ ህይወት ጣእም ካጣ ማን ወደ ኢየሱስ ሊመጣ
ከመቅረዙ ስፍራችን ደምቆ ይብራ ጧፋችን
ምድር ይድረሳት ጠርቶ ህይወታችን ተለይቶ
ነገስታት ይማረኩ አማልክት ይንበርከኩ
ወንጌሉን ብቻ ይወቁ በውሎችን ጌታን አይናቁ
ይጥራ ጽኑ ፍቅራችን ንግግር ሰላማችን
ለሚያምኑት የህይወት ሽታ ልንሆን ጠርቶናል ጌታ
ደግሞም የወንጌል ስራ የሁላችን አደራ
ይግለጥ መክሊታችን አይሰወር መብራታችን
