ተሰምቷል ጸሎቴ አብቅቷል ጩኸቴ
ከልቤ ለምኜው ጌታን እንቆቅልሾቼን ፈታ
ከልብ የሚራራ ለልጁ ደርሳልኝ አይሁኝ እጁ
ታማኝ ሆኜ እያለሁ ተገዢ ለቃሉ
የሚደሰትብኝ ሆኜ አገልጋዩ
ግን በፍጹም አጣሁ ዘሬን የሚተካ
አንዳች አላገኘሁ ከቶ የሚያረካ
መዘግየቱ ጌታ ለጊዜው ነው ለካ
ይስሀቅን ሰጥቶኛል ልቤ በእሱ ረካ
ማየት ከቶ አልችልም ብርሀን ኣላውቅም
ታሪኬ ሊቀየር ተስፋ ባይኖረኝም
የናዝሬቱ ኢየሱስ ሲያልፍ ባጠገቤ
እርዳኝ ብዬ ጮህኩኝ ለመንኩት ከልቤ
ምን ትፈልጋለህ ብሎ ጠየቀኝ
በደስታ ተሞላሁ ማየት አስችሎኝ
ሩህሩህ መልካም አምላክ እውነተኛ ዳኛ
በሀጢአት ላደፈ የሚሆን መጽናኛ
በማያልቅ ምህረቱ መማር ማይታክተው
ልመናን በጊዜው መልሶ ሚያኮራው
ለምኜው አገኘሁ ጸሎቴ ተሰምቶ
ለምስጋና ቆምኩኝ ልቤን ደስታ ሞልቶ
