ላረክልን ሁሉ

144

ላረክልን ሁሉ ተመስገን እንላለን
አንተን በመታመን ዛሬ እናቅዳለን
መጪውን እንደፈቃድህ ላንተ እንተዋለን
ዳግም በፊትህ ለምሥጋና አብቃን /2/

ደካሞች ነንና ለመጪው እንበርታ
ንስሐ እንገባለን ቀርበን ወደ ጌታ
ብለን አቅደናል ሁላችንም ዛሬ
አንተን ተማምነናል እስኪ አሳየን ፍሬ

ጌታን ተቀብለን አምነን እንድናለን
ዘወትር ፊቱ ወድቀን እንሰግድለታለን
የሱን ድንቅ ሥራ እንመሰክራለን
ብለን አቅደናል እንደ ፍቃድህ ይሁን

ሸለቆ እንወርዳለን ዳገቱን እንወጣለን
ረጅም መንገድ ሄደን ዘርን እንዘራለን
ከእርሻችን ፍሬ እንሰበስባለን
ብለን አቅደናል እንደፍቃድህ ይሁን /2/

ክረምቱ ሳይመጣ ቤት እንገነባለን
አንድ አካል አንድ አምሳል ሆነን እንኖራለን
ሌላም ሌላም ብለን ብዙ አቅደናል
አንደፍቃድህ ይሁን በአንተ ላይ ጥለናል

የትንሳኤ

Leave a Comment

Scroll to Top